Musbat bosimli vakuumli laminatsiyalash uskunasi US-TM3000G

Ushbu US-TM3000G modeldagi musbat bosimli vakuumli laminatsiyalash uskunasi turli xil mebellar, shkaflar va dekorativ panellar tayyorlash, eshik yog'ochlariga, deraza romlariga hamda turli xil yog'och mahsulotlarga barcha turdagi PVX plyonkalar va boshqa kerakli materiallarni laminatsiyalash, qizdirish yo'li bilan yopishtirib berish vazifasini bajaradi. Bu uskuna ilg'or CNC dastgohi bo'lib, 500 tonna bosimda ishlay oladi. Uskunada Delta PLC sensorli boshqaruv ekranidan foydalanilgan bo'lib, bu jarayonni yuqori darajadagi avtomatlashtirish degani. Bundan tashqari, ushbu uskuna laminatsiyalash jarayonida bir vaqtning o'zida yuqoriga va pastga qizdirish imkoniyatiga ega. Shuningdek, bu uskuna orqali avomatik kesishni amalga oshirish, ish vaqti hamda material tejash, bu orqali esa ishda samaradorlikka erishish mumkin. Ushbu uskunaning ish stoli o'lchamlari 3000 x 1270 x 40 mm bo'lib, uskuna soatiga umumiy 63.2 KW quvvat sarflaydi. Shuningdek, ushbu uskunada ish bosimi 0.5 Mpa bo'lib, uskuna relslari zanglamaydigan po'latdan yasalgan. Uskunaning umumiy o'lchamlari 12600 x 2150 x 2200 mm, uskuna og'irligi esa 16800 kgni tashkil etadi.