Avtomatik mayka shaklida paket kesish va iz ochish uskunasi

Hayotimizni turli xildagi paketlarsiz tasavvur qilishimiz qiyin bo'lib qolmoqda. Chunki ular kundalik hayotimizda biz uchun kichik bir kerakli qismga aylanib ulgurgan. Biror buyurtma qilamizmi yoki qandaydir mahsulot harid qilamizmi, hattoki chiqindilarni yig'ishda ham, barcha vaziyatlarda bunday paketlar biz uchun zarur hisoblanadi. Bunday paketlarni ishlab chiqarish esa kun sayib rivojlanib bormoqda. Ushbu avtomatik mayka shaklida paket kesish va iz ochish uskunasi rulon paket shaklidagi ekstruderdan chiqqan yarim tayyor mahsulotni belgilangan o`lchamda kesish, dazmollab yopishtirish va tutqich joyini ochish uchun yuqori samaradorli uskuna hisoblanadi. Ushbu avtomatik mayka shaklida paket kesish va iz ochish uskunasi daqiqasiga 50-100 dona mahsulot ishlab chiqara oladi. Soatiga esa 4.3 Kw quvvat sarflaydi. Uskuna to’liq avtomatik bo’lib, bir vaqtning o’zida plastik paketlarni kerakli o’lchamlarda kesib, xohlagan miqdorda sanab qadoqlashga tayyor qilib beradi. Uskunaning boshqaruv paneli mikrokompyuter PLC boshqaruv panelli sensor ekran bilan jihozlangan. Shuningdek, uskuna servodvigatel bilan jihozlangan bo’lib, u orqali tezlikni bemalol nazorat qilish mumkin. Bundan tashqari, uskuna past shovqin bilan ishlaydi. Uskunaning iz tushirish qolipini almashtirish orqali boshqa turdagi tutqichli paketlarni ham ishlab chiqarish imkoniyati mavjud. Uskunaning umumiy o'lchamlari esa 3000 x 1000 x 1600 mm hamda umumiy og'irligi 650 kgni tashkil etadi.